|
|
|
Föstudagur, 20. janúar 2012 12:59 |
Aðalfundur Skotveiðifélags Reykjavíkur og nágrennis (Skotreynar) 2012
Aðalfundur Skotreynar 2012 verður haldinn fimmtudaginn 2. febrúar kl. 20:00 í Sæbjörginni, skipi Slysavarnarfélagsins Landsbjargar.
Á dagskrá eru hefðbundin aðalfundarstörf
1) Skýrsla formanns. 2) Reikningar félagsins lagðir fram og skoðaðir. 3) Lagabreytingar. 4) Ákvörðun félagsgjalda næsta almanaksárs. 5) Kosning stjórnar: Kosið verður um formann og tvo stjórnarmenn. 6) Kosning tveggja skoðunarmanna reikninga. 7) Önnur mál.
Samkvæmt lögum félagsins mega aðeins fullgildir félagar vera þátttakendur í aðalfundi, nema með sérstöku boði stjórnar og skulu þeir þá eigi hafa atkvæðarétt. Fullgildir félagar eru þeir sem hafa greitt árgjöldin 2011 og eru skuldlausir við félagið. Lagabreytingatillögur:
Við 5. grein bætist eftirfarandi málsgrein: Verði félagsmaður 67 ára fyrir aðlfund félagsins og hafi hann jafnframt verið félagi í SKOTREYN í a.m.k. 5 ár skal hann skoðast ævifélagi og borgar ekki félagsgjöld upp frá því. Ævifélagi hefur sömu réttindi og skyldur og aðrir félagar í SKOTREYN.
Stjórn Skotreynar |
|
|
Þriðjudagur, 17. janúar 2012 15:38 |
Félagsgjöld 2012
Nú hafa greiðsluseðlar fyrir félagsgjaldi ársins 2012 verið sendir út, en þetta er stærsti einstaki tekjuöflunarliður Skotreynar og SKOTVÍS og því mikilvægt að félagsmenn greiði hann. Ef einhver félagsmaður hefur ekki fengið sendan til sín greiðsluseðil og er ekki með kortasamning við SKOTVÍS er þeim bent á að hafa samband við Kristján Sturlaugsson varaformann og gjaldkera SKOTVÍS í síma 771-6701 eða tölvupósti
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Félagsskírteini verða send út um miðjan febrúar og mikilvægt er að þeir sem hafa flutt á árinu láti okkur vita með breytt heimilisfang á emailið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
eða hringa í síma 771-6701.
Með veiðikveðju, stjórnir Skotreynar og SKOTVÍS. |
|
Síðast uppfært: Þriðjudagur, 17. janúar 2012 21:34 |
|
|